លោកហ៊ុន សែន ចូលប្រជុំសភា បន្សាបព័ត៌មានដែលផ្សាយថា លោកប្រហែលមានជំងឺកូវីដ-១៩
លោកនាយករដ្ឋមន្រ្តីហ៊ុន សែន នៅព្រឹកថ្ងៃសុក្រនេះបានចូលរូមប្រជុំរដ្ឋសភា ដើម្បីពិភាក្សា និងអនុម័តសេចក្តីព្រាងច្បាប់បង្កើតក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងសេចក្តីព្រាងច្បាប់៥ទៀត។ ក្នុងពេលជាមួយគ្នានេះ លោកក៏បានបញ្ចេញប្រតិកម្មទៅនឹងទូរទស្សន៍ថៃមួយដែលបានផ្សាយព័ត៌មានថា រូបលោកប្រហែលជាបានឆ្លងជំងឺកូវីដ-១៩។ សម្រាប់នាយករដ្ឋមន្រ្តីកម្ពុជា ព័ត៌មាននេះ គឺជាព័ត៌មានក្លែងក្លាយ ហើយថែមទាំងបានចាត់ទុកព័ត៌មានក្លែងក្លាយថា មានភាពកាចសាហាវជាងជំងឺកូវីដ-១៩ទៅទៀត។
«មានទូរទស្សន៍បរទេសមួយបានផ្សាយថាខ្ញុំបានឬប្រហែលឆ្លងកូវីត១៩ទៅហើយ។ ពេលនេះខ្ញុំកំពុងអង្គុយប្រជុំរដ្ឋសភា និង ថ្ងៃស្អែកត្រូវចេញទៅខេត្តបាត់ដំបងដែលខ្ញុំត្រូវនៅទីនោះរហូតព្រឹកថ្ងៃអាទិត្យ ទី១៥ ខែមីនា២០២០»។ នេះគឺជាលើកឡើងរបស់លោកនាយករដ្ឋមន្រ្តីហ៊ុន សែន នៅលើទំព័រហ្វេសប៊ុករបស់លោកនៅព្រឹកថ្ងៃសុក្រនេះ។ ការលើកឡើងនេះ គឺជាការឆ្លើយតបទៅនឹងការចុះផ្សាយរបស់ទូរទស្សន៍ប៉ុស្តិ៍លេខ៧របស់ថៃនៅក្នុងសប្តាហ៍នេះ។
មានទូរទស្សន៍បរទេសមួយ បានផ្សាយថាខ្ញុំបានឬប្រហែលឆ្លង កូវីត១៩ទៅហើយ។ ពេលនេះខ្ញុំកំពុងអង្គុយប្រជុំរដ្ឋសភានិង ថ្ងៃស្អែកត្រូវចេ...
«មានទូរទស្សន៍បរទេសមួយបានផ្សាយថាខ្ញុំបានឬប្រហែលឆ្លងកូវីត១៩ទៅហើយ។ ពេលនេះខ្ញុំកំពុងអង្គុយប្រជុំរដ្ឋសភា និង ថ្ងៃស្អែកត្រូវចេញទៅខេត្តបាត់ដំបងដែលខ្ញុំត្រូវនៅទីនោះរហូតព្រឹកថ្ងៃអាទិត្យ ទី១៥ ខែមីនា២០២០»។ នេះគឺជាលើកឡើងរបស់លោកនាយករដ្ឋមន្រ្តីហ៊ុន សែន នៅលើទំព័រហ្វេសប៊ុករបស់លោកនៅព្រឹកថ្ងៃសុក្រនេះ។ ការលើកឡើងនេះ គឺជាការឆ្លើយតបទៅនឹងការចុះផ្សាយរបស់ទូរទស្សន៍ប៉ុស្តិ៍លេខ៧របស់ថៃនៅក្នុងសប្តាហ៍នេះ។
មានទូរទស្សន៍បរទេសមួយ បានផ្សាយថាខ្ញុំបានឬប្រហែលឆ្លង កូវីត១៩ទៅហើយ។ ពេលនេះខ្ញុំកំពុងអង្គុយប្រជុំរដ្ឋសភានិង ថ្ងៃស្អែកត្រូវចេ...
ទូរទស្សន៍ប៉ុស្តិ៍លេខ ៧ ថៃបានចុះផ្សាយនៅទំព័រហ្វេសប៊ុករបស់ខ្លួនថា ចាប់អារម្មណ៍លើលទ្ធផលពិនិត្យសុខភាពលោក ហ៊ុន សែន នាយករដ្ឋមន្ត្រីនៃកម្ពុជាអាចឆ្លង កូវីដ-១៩។ ទូរទស្សន៍ថៃនេះ បានសរសេរថាលោកនាយករដ្ឋមន្ត្រីហ៊ុន សែន បានបង្ហើបថា នឹងចូលទៅទទួលការពិនិត្យសុខភាពក្រោយពីមានអាការៈតឹងច្រមុះ ផ្តាសសាយ មិនស្រួលខ្លួន ក៏ប៉ុន្តែនៅមិនទាន់កំណត់ច្បាស់ថាពេលណា និងទទួលបានថា អាចនឹងឆ្លជំងឺកូវីដ-១៩។ ទូរស្សន៍បន្តទៀតថា មានអ្នកព្យាយាមបង្ហោះព័ត៌មានចចាអារាម ឬក្លែងក្លាយថា លោកនាយករដ្ឋមន្ត្រីហ៊ុន សែន ឈឺដោយកូវីដ-១៩ នឹងត្រៀមទៅព្យាបាលនៅប្រទេសសង្ហបុរីជាដើម។លោកប្រមុខរដ្ឋាភិបាលកម្ពុជា បានចាត់ទុកការផ្សព្វផ្សាយនេះ ថា ជាព័ត៌មានក្លែងក្លាយ។ លោកគូសបញ្ជាក់ថា ជំងឺកូវីដ-១៩ វាកាចសាហាវណាស់ទៅហើយ ប៉ុន្តែព័ត៌មានក្លែងក្លាយវាកាចសាហាវជាងជំងឺនេះទៅទៀតដែលចាំបាច់ត្រូវតែប្រយុទ្ធប្រឆាំងជាមួយជំងឺដ៏គ្រោះថ្នាក់នេះ។ ជាមួយគ្នានេះ លោកនាយករដ្ឋមន្រ្តីហ៊ុន សែន ក៏បានអំពាវនាវដល់ប្រជាពលរដ្ឋខ្មែរឱ្យចូលរួមទប់ស្កាត់ការរីករាលដាលនូវជំងឺឆ្លងកូវីដ-១៩នេះតាមរយៈវិធានការអនាម័យដោយចាប់ផ្តើមពីមនុស្សម្នាក់ៗ គ្រួសារនីមួយៗ ភូមិនីមួយៗ ដើម្បីធានាថានៅកម្ពុជាគ្មានជំងឺឆ្លងបន្ថែមទៀត។
Comments
Post a Comment